Simon Di Dio - Via I Febbraio (feat. Francesco Di Dio) Lyrics

Chiddru chi vi cuntu, sapiti, è nnà storia vera
Chi parla di un teatrinu propriu sutta casa mia
Vi narru di l'approdu di sti tanti eroi
Primu febbraiu, chista è la via

Chiddru ca mi sarba è la duminica matina
Picchì l'ambulanti nun si sentinu
Puru iddri hann'aviri un pocu di riposu
Ma cchiossà l'aricchi mè cà ormà 'un nnì ponnu cchiù

Lu pisciaru è sempri lu primu à cuminciari
Ma chi beddra merci c'eni 'u lunedì
Picchì d'ammatina ancora c'è tecchia di friscu
Ma st'attentu s'un t'allesti iddru sinni (gh)ì

Gammari... quantu nnì pigliavu
Gammari... ora 'un nn'avi cchiù!

Ch'è beddra l'estati quannu minni vaiu à mari
Certi voti m'arrizzolu picchì su ammucciati
Penzu cà la curpa eni di lu mulunaru
Ca vannìa ogni matina vi li dugnu arrigalati

Muluna... quanta scorcia (gh)ittata
Muluna... ora 'un nn'avi cchiù!

Si senti parlari d'alimenti di stagioni
S'eni senza diserbanti linghiminni un catu
Sulu robba naturali pì la tò 'nzalata picchì
Cù la qualità iddru propriu c'è fissatu

Virdura... quantu 'nnì lavavu
Virdura... ora 'un nn'avi cchiù!

Pò versu li deci talìa ddrà cù s'arricogli
Sunnu accussì bianchi, beddri e profumati anchi
Si pari cà ogni vota tutti s'hannu a maritari,
Mi dispiaci haiu 'u corredu arrigalatu di mè frati

Linzola... quantu 'nnì stinnivu
Linzola... ora 'un nn'avi cchiù!

Si sapi d'estati ca si cerca sempri 'u friscu
Nun ti preoccupari à 'nnatru tecchia già ti senti megliu
Cù stà musichetta ca ti trasi 'nnà la testa
Ca mi pari un pocu stranu ma e diversu lù risvegliu

Gelati... quantu arricriati
Gelati... ora 'un nn'avi cchiù!

A stù puntu s'avvicina l'ura di mangiari
Già li 'robbi sù stinnuti boni 'nnà li cordi (Signu')
Nun si preoccupassi ci ì cugliuvu propriu àieri, si pigliassi 'nnà
Carteddra, ci la dugnu a quattru sordi

Ova frischi... quantu 'nnì friivu
Ova frischi... ora 'un nn'avi cchiù!

A mazzio' m'affacciu e l'aspettu 'nna' lu barcuni
Si lu pozzu diri ca è lu preferitu anchi
Si ancora unn'haiu caputu 'zzoccu avi di precisu,
Pari un circu chi camina ma è simpaticu e pulitu

Padelli/bordelli... quantu cosi avi
Padelli/bordelli... ora 'un nn'avi cchiù!

E dopu c'accattavu tutti cosi pozzu diri

Gammari, muluna, virdura, linzola, gelati, ova frischi, padelli/bordelli l'haiu tutti iu
Gammari, muluna, virdura, linzola, gelati, ova frischi, padelli/bordelli ora 'un ci 'nn'è cchiù
Gammari, muluna, virdura, linzola, gelati, ova frischi, padelli/bordelli l'haiu tutti iu
Gammari, muluna, virdura, linzola, gelati, ova frischi, padelli/bordelli ora 'un ci 'nn'è cchiù

Ahhhh... relax!