[ Featuring Sly Mestokosho ]
Nanitam tshititan nishtikuanit
Apu nita itikauian ne ka ititan
Nanitam peikuan tshimamitunenimitin, peikuan nete kataku e taian
Anumat tapue menuenitaman, niminueniten katshi uitsheutan
Nanitam ute kie nin apu tshi aimitan, anumat tshitshue nipa minueniten
Tshetshi kie tshin pessish tain, nimitaten katshi tshitutein
Apu tshissenitamin tan tatuau e mamitunenimitan
Eshakumitshishikua e tshissitutamani tshekuan mamu ka tutamaku
Tanite tshipa tshi uni-tshissitutatin, nanitam tshititan nishtikuanit
Tshika uitamatin tshekuan muku shash tshitshissenitenatshe
Tshitipenimin kie tshitipeniten nitei
Tanite tshipa tshi nakatitin, nanitam tshititan nishtikuanit
Natamiku tshekuan e tutamani, e pamuteiani
Eshku eka nipaiani, kie ma nikamun e tutamani
Tshitshue tshitshishkue-mamitunenimitin, nanitam tshititan nishtikuanit
Anumat tshitakuatenimitin, tshima tshissenitamin
Tshiminuatiti, tshishatshitin kie tshika shuenimitin
Kie tshimushtenamatin usham nin tshuitamatin
Apu nita itikauian ne ka ititan
Takuan kie nin e kushtaman tshetshi nakashin
Nitshisseniten e animatshenitamin tshetshi peikussin
Nipa nishtuten ua tshishuapishtuin,
Mishkut tshetshi mishta-minekash tshituteian apu tshika ut ishinakuak minuat
Nikutshipanitan tshetshi taian at shuku eka taiani
Eshakumitshishikua nete Facebook e mashinaimatan tshekuan
Muku nitshisseniten eka eshpanin, nin apu ishpanian
Kau tshika ui natuapamitin, uemut nika ui tshiuen
E akuatenimitan, apu nita tshika ut nakatitan
At shuku mishta-minekash eka uapamitani
E minuatitan, apu nita tshika ut uni-tshissitutatan
At shuku mishta-kataku e taian
Tshuitamatin apu usht tutatan, namaieu ne inniun ua minitan
Apu nita tshika ut ishpanit minuat tshetshi mishta-minekash nakatitan
Apu ui tutaman shash tshetshi akuitan
Nui tuten tshetshi tain anite e taian nanitam!
Nanitam peikuan tshimamitunenimitin, peikuan nete kataku e taian
Anumat tapue menuenitaman, niminueniten katshi uitsheutan
Nasht apu shapenitaman tshetshi minuat tshishuapishtatuiaku
Tshetshi minuat nekatshitishuiaku, ishpanu muku tshiam eka uapamitishuiaku
