RSDS - Aye Falasteen Aye Muqaddas Sarzameen e Mohtaram (feat. Abdul Hadi) Lyrics

یا مولی یا مولی یا مولی
یا مولی یا مولی یا مولی

اے فلسطیں اے مقدّس سر زمینِ محترم
درد سے لبریز تیری داستانِ پُر اَلم
اے فلسطیں اے مقدّس سر زمینِ محترم
درد سے لبریز تیری داستانِ پُر اَلم

قلب مضطر روح بوجھل اور زخمی ہے جگر
وحشیانہ بربریت کے نظارے ہر قدم
اے فلسطیں اے مقدّس سر زمینِ محترم

ہم نے دیکھے لعل تیرے خون میں لپٹے ہوئے
پھول سے بچوں نے توڑا باپ کے ہاتھوں میں دم
وا حُزنا واکربا یا غزہ

اے فلسطیں اے مقدّس سر زمینِ محترم
درد سے لبریز تیری داستانِ پُر اَلم

ہر طرف لاشوں میں بچے ڈھونڈتے ماں باپ کو
یہ قیامت خیز منظر کیا قیامت سے ہے کم
اے فلسطیں اے مقدّس سر زمینِ محترم

مار تو سکتے ہو لیکن تم مٹا سکتے نہیں
مٹنے والوں میں نہیں ہے امّتِ شاہ اُمم
وا حُزنا واکربا یا غزہ

اے فلسطیں اے مقدّس سر زمینِ محترم
درد سے لبریز تیری داستانِ پُر اَلم

اپنے سارے تیر تم بھی آزمالو دشمنو
ہم نے بھی کھائی قسم کہ ہار نہ مانیں گے ہم
اے فلسطیں اے مقدّس سر زمینِ محترم

بیتِ مقدس جاں نچھاور ہے تقدّس پہ تیرے
قبلۂ اوّل میرے سرکار کے پہلے حرم
وا حُزنا واکربا یا غزہ

اے فلسطیں اے مقدّس سر زمینِ محترم
درد سے لبریز تیری داستانِ پُر اَلم

وادئ غزّہ کے ہر مردِ مجاہد کو سلام
سر کٹا دیتے ہے لیکن سر نہیں کرتے ہیں خم
اے فلسطیں اے مقدّس سر زمینِ محترم

ہم کو ہے درکار کوئی ایک ایوبی فقط
پھر دکھائیں گے ہے کتنا بازوے مسلم میں ہے دم
وا حُزنا واکربا یا غزہ

اے فلسطیں اے مقدّس سر زمینِ محترم
درد سے لبریز تیری داستانِ پُر اَلم

مسجدِ اقصی تمھیں آواز دیتی ہے سنو
قائدو اٹھ جاؤ اب تو تھام لو اپنا علم
اے فلسطیں اے مقدّس سر زمینِ محترم

نالۂ مظلوم سن لےاپنی نصرت بھیج دے
ہو گیا حد سے سوا یا رب ستم گر کا ستم
وا حُزنا واکربا یا غزہ


اے فلسطیں اے مقدّس سر زمینِ محترم
درد سے لبریز تیری داستانِ پُر اَلم

زیر کردے لشکرِ طاغوت کو ربِّ قدیر
خاک ہو ان کا تکبّر اور اکھڑ جائے قدم
اے فلسطیں اے مقدّس سر زمینِ محترم

درد سے پھٹتا ہے سینہ محوگریا آہِ ثمینؔ
حال پر اہل فلسطیں کے تو فرمادے کرم
یا مولی یا مولی یا مولی

اے فلسطیں اے مقدّس سر زمینِ محترم
درد سے لبریز تیری داستانِ پُر اَلم
اے فلسطیں اے مقدّس سر زمینِ محترم
درد سے لبریز تیری داستانِ پُر اَلم