Sialuttut (feat. Ida Heinrich) Video (MV)

Oqartarput sialuit salittaraat aqquserningut
Ilaatingullu allaat ilukkut ajoquserningut
Ersarik ingerlaffikut tammarartut
Aqangumi aqqutit nutaat ammarartut
Pisulersaraangut apuuffissaqarnata
Misigerusullungu uummatikkut uuffissaqarnata
Aqqutit uiarlungit artorsaatit uniarlungit
Kingumut qiviarlungit ilumut nuiniarlungit
Oqartarput toqunngippatit nukittussaatit
Takussavat qaangerukku iluamik inuulissaatit
Ataaniikkuit tulliani qummuinnaq ingerlalissaatit
Apeqqutaavorli napassavit aporartikkuit suli atassavit
Maannami tamatta misigivungut

Sialuttut kuuttut ilukkut atuuttut misigissutsit katuuttut
Ilinnut apuuttut allanut inuuttut misigisat ilumoortut

Siumut arpalersaaraangut qimaasutut
Kingumut sarsualersaraangut ilaasutut
Tamattami sanngiitsingaangut naasutut
Tikkuaalersaraangut imminut aasutut
Misingingaangatta annaasassaqarata
Tappiillisaraangut uatsinnut aqussinnaanata
Mattutilersaraangut allanut takussaanata
Kamannerup ilusaa takutittuarpaa inuup iliuusaa
Takoqquvungut ajorluta naak oqartungut ajorata
Uffa ajorluta takunngilaatingut uffa najorluta
Tatingisassaqarata angalaarpungut
Naggataani qiassaq iivarput
Misigaluta ajortut piiarput
Iliuuseqarata inuuneq kiivarput

Sialuttut kuuttut ilukkut atuuttut misigissutsit katuuttut
Ilinnut apuuttut allanut inuuttut misigisat ilumoortut

Allatut sapilersaraangut nunamut aqullaanginnaraangut
Nikallunganerup ammut noqimmatingut
Unganerup qummukaqummatingut
Uummatingut aserorsimaqisut katersorpangut
Isummangut sequmissimaqisut katiterpangut
Sialuit ataanni anersaaraangut
Inuit avataanni nassaaraangut
Ajortut aniasut inuttut aliasuut pappilissatut aliasuut
Ajortut ilunni ipittut oqilisut qasuttut ilunni pituttut
Ilunni misingaakka noqittut ilunni isingaakka oqittut
Kamattut anisussaangaluit mattut tuttussaangaluit
Inoqammut maannami isinniik

Sialuttut kuuttut ilukkut atuuttut misigissutsit katuuttut
Ilinnut apuuttut allanut inuuttut misigisat ilumoortut

Sialuit
Tukkumaarput
Eqqissingit
Apuukkumaarput
Sialuttut
Kuukkumaarput
Eqqissingit
Tukkumaarput