Ois Echt - Kein #Weihnachtslied Lyrics

Vorletzts Heiligabend im Woid
Mei Händ warn klamm de Fiaß saukoit
Weil i ma a Silberfichtn eibuilt hob
Mit am Fuchsschwanz und am Hacke
Durch Schneematsch und durch Wuidsaukacke
Am Kannesberg war i an der scheensten Fichten dro
Diese optimalen Proportionen
Schleif i hi, do wo mir wohnen
Und denk ma, ja der hoit bis nachstn Hiascht
Und kaam do steht a in da Stubn
Lieng scho tausend Nodeln rum
Und in da Küch da platzen leise d´ Wirscht
Mia woin an Baam aus PVC
Der is grea und der is schee
Und schicka duadn prime von amazon.de
Er steht grea in vollem Saft
Voller Koniferen - Kraft
Und doch is sei Stamm aus Silikon
Mia gfrein uns schon
Doch a Johr drauf wars vergessen
Mia warn am Weihnachtsmarkt beim Fressen
Und seng a Nordmanntanner grod und schee
Auftaut drin im Wasserkelch
Stinkts ois wia a doda Elch
Den hams in Schweden gschlong 2010
Mit auftaut san 300 Fliang
Dass se scho olle Asterl biang
Und hundert san in d`Weihnachtskerzn gflong
De Schnauzn voll vo da Natur
De stinkt und dirrt und bröselt nur
Hamma endlich einen Schlussstrich drunter zong
Mia ham an Baam aus PVC
Der is grea und der is schee
Und schicka duadn prime von amazon.de
Er steht grea in vollem Saft
Voller Koniferen - Kraft
Und doch is sei Stamm aus Silikon
Mia gfrein uns schon
Mia ham an Baam aus PVC
Der is grea und der is schee
Und schicka duadn amazon.de
Er steht grea in vollem Saft
Voller Koniferen - Kraft
Und doch is sei Stamm aus Silikon
Mia gfrein uns schon