Ois Echt - Goschn haltn Lyrics

S´kloane Madl steht zum ersten mal im Rampenliacht
Beim Konzert der Musikschul, do wos noch Pommes riacht
Augn sie glänzn, Knia sie zittern, Backerl puderrot
S Notenbladl kennt koa Gnad, sie stirbt an kloana Tod
Endlich kummt des Zeichen
Es klingt der erste Takt
Doch zwengs am Blablabla im Saal
Hätt sies fast verkackt
Leider is so bei de Junga
Und es bleibt so bei de Altn
Dahoam hams nix zum song
Aber do
Kinnas Goschn ned haltn
Kinnas Goschn ned haltn
Auf der Bühne spielt a Band gänzlich unverstärkt
Die Heiserkeit hod zwengs am Ratschn no koa Sau bemerkt
Am Leadsänger druckts Batzl-Augn direkt ausm Kopf
Vergeblich suacht da Tobi nach am Volume-Regler-Knopf
Scho boid do speit sei Gurgl
Stimmbandl aufn Bodn
Doch die Labertaschn untn hörn
Ohnehin koan Ton
Leider is so bei de Junga
Und es bleibt so bei de Altn
Dahoam hams nix zum song
Aber do
Kinnas Goschn ned haltn
Kinnas Goschn ned haltn
Es war amoi a gscheida Mo und sei Karriere steil
Jetzat find er auf amoi, Stammtischparolen geil
War nia oft in da Kirch
Und find das Abendland bedroht
Seine Argumente stinkan braun wia frischer Kot
Ausländer wärn a Bedrohung
Blubberts aus eahm naus
Alternativ für Deutschland wär
Mia schmeißen alle Nazis raus
Leider is so bei de Junga
Und es bleibt so bei de Altn
Dahoam hams nix zum song
Aber do
Kinnas dFotzn ned haltn
Leider is so bei de Junga
Und es bleibt so bei de Altn
Dahoam hams nix zum song
Aber jetzt
Sollns dFotzn mal haltn