Ludwig Sebus - Alles su widder dun Lyrics

Die Uhr läuf immer wigger wie flöck verjeiht de Zigg
Su manches jeiht donevve doch miehstens hätt mer Glöck
Maht ich en all dä Johre nit jedem alles Räch
Wor falsch ens avjeboge doch et bliev minge Wäch

Ich däht et alles su widder dun
Un hätt ming kölsche Siel och he un do ne Schrom
Dat wat bliev es die Erinnerung
Ich däht et alles su widder dun
Ich däht et alles su widder dun

Ben nie dovun gelaufe, gefahre, mich gestallt
Dät met däm Schecksal raufe woodt off vun ihm gekrallt
Wor heimatsfän gefange, lett Hunger, Kält un Nut
Öm mänche Fründ dät bange, gedeilt et letzte Brut

Ich däht et alles su widder dun
Un hätt ming kölsche Siel och he un do ne Schrom
Dat wat bliev es die Erinnerung
Ich däht et alles su widder dun
Ich däht et alles su widder dun

Vill Gode un och Schmeichler, die krützte minge Wäch
Et hatt su mänche Heuchler an mingem Ast gesäg
Ne räächte Fründ zo stütze wann hä log en der Sod
Dat däht uns beidse nötze dat däht uns beidse got

Ich däht et alles su widder dun
Un hätt ming kölsche Siel och he un do ne Schrom
Dat wat bliev es die Erinnerung
Ich däht et alles su widder dun
Ich däht et alles su widder dun

En all dä lange Johre mir Levvensanker wore:
Famillich ming, wenn ich wor geschaff
Un Goddes Gnad gov mer die Kraff!

Ich däht et alles su widder dun
Un hätt ming kölsche Siel och he un do ne Schrom
Dat wat bliev es die Erinnerung
Ich däht et alles su widder dun
Ich däht et alles su widder dun