Lata Mangeshkar - Upavar Zaali Lek Ladaki Lyrics

उपवर झाली लेक लाडकी लग् नाला आली
स्वयंवराची तिच्या घोषणा द्रुपदांनी केली
सुवर्णस्तंभावरी बसविली फिरती मत्स्याकृती
तेलामाजी बिंब पाहुनी छेदिल हो कोण ती
छेदिल त्याला विवाहमाला घालिल पांचाली
स्वयंवराची तिच्या घोषणा द्रुपदांनी केली

स्वयंवराचा भरला मंडप गर्दी तरि ती किती
देशोदेशचे जमले हो ते रणशार्दुल नृपती
भावासंगे तेजस्विनी ती सभागृही आली

हत्तीवरुनी जणू चमकली समूर्त सौदामिनी
सूतपुत्र अन् कर्ण राहिला उभा त्वरे उठुनी
हीन कुळीचा म्हणुन तयाला संधी नच दिधली
स्वयंवराची तिच्या घोषणा द्रुपदांनी केली

इतुके होते तरीही कृष्णा कुणातरी न्याहळी
ब्राह्मणवेषे तोच निरखिला अर्जुन नृपमंडळी
जीवाशिवासम त्या दोघांची दृष्टभेट झाली
स्वयंवराची तिच्या घोषणा द्रुपदांनी केली
त्या नजरेने स्फुरले बाहू वीर सिद्ध झाला वीर सिद्ध झाला
अचुक लावुनी बाण तयाने मत्स्यभेद केला
धनंजयाच्या गळां धन्य ती वरमाळा पडली
स्वयंवराची तिच्या घोषणा द्रुपदांनी केली
उपवर झाली लेक लाडकी लग् नाला आली
स्वयंवराची तिच्या घोषणा द्रुपदांनी केली