Sarnaar Kadhi Ran Video (MV)

सरणार कधी रण प्रभु तरी
हे कुठवर साहू घाव शिरी
सरणार कधी रण प्रभु तरी
हे कुठवर साहू घाव शिरी
सरणार कधी रण

दिसू लागले अभ्र सभोती
विदीर्ण झाली जरि ही छाती
अजून जळते आंतरज्योती
अजून जळते आंतरज्योती
कसा सावरू देह परी
सरणार कधी रण प्रभु तरी
हे कुठवर साहू घाव शिरी
सरणार कधी रण

होय तनूची केवळ चाळण
प्राण उडाया बघती त्यातुन
मिटण्या झाले अधीर लोचन
खङग गळाले भूमिवरी
सरणार कधी रण प्रभु तरी
हे कुठवर साहू घाव शिरी
सरणार कधी रण

पावन खिंडीत पाऊल रोवून
शरीर पिंजे तो केले रण
शरणागतीचा अखेर ये क्षण
शरणागतीचा अखेर ये क्षण
बोलवशिल का आता घरी
सरणार कधी रण प्रभु तरी
हे कुठवर साहू घाव शिरी
सरणार कधी रण