kreolokoz - Inn ti lé (feat. Sonay Löve) Lyrics

Amwin ki détès èt komandé
Mwin la été anrolé
In zoli kord dan mon kolé

Si zot i vé mon lavi
Mwin la pa vi
Si son mti grandér
Li té sa èt mon komandér

Amwin son sofér, amwin son gardyin
Amwin son nonmatoufér
Dék li kri mi vyin,
Pir k'inn ti syin

Dabitid mi métriz
Mé la la la la mwin lé sou son lanpriz
Giny pa di non, mi di aou !
Mi giny pa di non mi di aou !

Granmatin bonér kosa li vé
Inn ti lé
Si lo li lo dé zié lé kolé
Alala la la la
Dégaz aou, tard pa pou lévé
Inn ti lé
Kont pi si falé mèt sokola

Déza k'mi trouv pa k'li rosanm amwin
Li lé tro zoli po di ké li rosanm amwin
Si omwin li té fé sanblan èt mon zanfan
Anpliskésa li vol mon plas dann bra son monmon

La fo zwé èk li pli k'li grandi
Ali la polis, toultan amwin minm pou fé lo bandi
Li yinm fout amwin la zol
Li done amwin lo mové rol

Li vé èt lo vinkér
Rèzman pou li mwin lé pa grokér, mi di aou

Granmatin bonér kosa li vé
Inn ti lé
Si lo li lo dé zié lé kolé
Alala la la la
Dégaz aou, tard pa pou lévé
Inn ti lé
Kont pi si falé mèt Sokola

Solman pou di azot la vérité
Na riyink lamour dan mon nti santé
Lé vré ké mwin la done ali la vi
Mé li rann amwin plis ké sat mwin la done ali

Gran matin mwin lé kontan lévé
Inn ti lé
Lo kér i tonm kan li souk mon kolé
Alala la la la
Inn ti baba d'lé mwin la révé
Inn ti lé
La vi lé pli gadianm koméla

Gran matin mwin lé kontan lévé
Inn ti lé
Lo kér i tonm kan li souk mon kolé
Alala la la la
Inn ti baba d'lé mwin la révé
Inn ti lé
La vi lé pli gadianm koméla