kehle - Palästinalied Lyrics

Alrêrst lebe ich mir werde
Sît mîn sündic ouge sihet
Daz hêre lant und ouch die erde
Der man vil der êren gihet
Mir ist geschehen, des ich ie bat
Ich bin komen an die stat
Dâ got mennischlîchen trat

Schœniu lant rîch unde hêre
Swaz ich der noch hân gesehen
Sô bist dûz ir aller êre
Waz ist wunders hie geschehen?
Daz ein maget ein kint gebar
Hêre über aller engel schar
Was daz niht ein wunder gar?

Hie liez er sich reine toufen
Daz der mensche reine sî
Dsie er sich hie verkoufen
Daz wir eigen wurden frî
Anders wæren wir verlorn
Wol dir, sper, kriuze unde dorn
Wê dir, heiden, daz ist dir zorn