Karm Debattista Mssp - Gmiel Ghemilek Lyrics

Bħal xoqqa s-sema mifruxa
Bħal saqaf fuq l-ilma kotran
Is-sħab bħal mirkeb jittajjar
Fuq ġwejnaħ ir-riħ setgħan

Imwaqqfa il-art fuq sisienha
Fis-sod, ma titħarrek qatt
Il-baħar bħal libsa żejjinha
U jħabbat qillietu fuq l-art

Kemm huma kotrana għemilek, Int kollha għamilthom bil-g]erf
Il-kobor t'għemilek ifaħħru l-ħlejjaq li ġmielek urew
Tul ħajti ħa ngħanni lil Alla, għal dejjem ħa ndoqq lil Mulej
Quddiemu ħa jidħol dan kliemi, ħa nifraħ kuljum fil-Mulej

L-għejjun fil-widien Int tnixxi
Bejn l-iħbla jinħolqu trejqat
Minn fejn għaddejjin l-art tissaqqa
U tnibbet il-ħdura fil-blat

Fil-g]oli is-siġar jixxabbtu
'Il fuq sebagħhom puntat
Fejn fuqhom l-għasafar bil-qtajja
Iferrħu b'għanjiethom fuq l-art

Kemm huma kotrana...

Kemm ismek hu kbir fl-art kollha
Sebħek 'il fuq mis-smewwiet
Ifraħ, Mulej. Ifraħ b'għemil idejk

Fuq kollox, fuq kull kreatura
'Il fuq minn kull kobor ta' jdejk
Biex ħsiebu int tieħu, x'inhuwa
Il-bniedem fil-ħarsa t'għajnejk?

Ftit anqas minn Alla għamiltu
Bil-ġmiel u bil-ġieħ int żejjint
T'għemilek Int tajtu il-ħakma
Taħt riġlu q'għidt, kollox ċekkint.

Kemm huma kotrana għemilek, Int kollha għamilthom bil-għerf
Il-kobor t'għemilek ifaħħru l-ħlejjaq li ġmielek urew
Tul ħajti ħa ngħanni lil Alla, għal dejjem ħa ndoqq lil Mulej
Quddiemu ħa jidħol dan kliemi, ħa nifraħ kuljum fil-Mulej

Kemm ismek hu kbir fl-art kollha
Ifraħ b'għemil idejk