MININU DI KRIASON Video (MV)

Ah ora ke mandrugada abri si udjus
Ke serenu ramelga
N ta lanta n dobra ña stera
Mininu di kriason
Pega trabadju

N bari kau tudu n boltia
N laba kusas tudu n seka
N findi leña ña ombra kansa
N bana fugu ña udju fuma
N bai mandadu ña dus pe gasta
N pembi mininu tok n kansa
Ña mestra kuma pa falal tia
Si omi oi n ta ba ta falal tiu
Kuntangu ke dan oh tok n djua
Ma se mesa mafe ta sobra
Ña tchakual rumpi tok i kaba
Kamisa sedu tok I muri
N ka osa papia n ka osa kanta
N ka osa ri oh n ka osa tchora
N ka otcha skola nin tarbadju
Te na dia ke n lanta n fusi

Ah ora ki garsas pelikanus
Disa bisia bolaña
E lanta pa ba tchur di sol
N sirbi ña feramenta sia
N dal bala tok i farta
Pa no bai kaba ku kriason