Il Giardino Dei Semplici - Tvb Lyrics

‘N’atu ppoco dint’’o lietto…nun ce’a faccio a m’aizà
penzo a te…chello ca’’e ditto nun m’’o pozzo maje scurdà
T’aggiu scritto tre parole ca’ nisciuno ‘e ppo’ vedé
songhe asciute ‘a dint’ ‘o core, so’ tre lettere pe’ tte
I’ me mettevo scuorno ma nun resisto cchiù
e voglio fa’ comme faie tu

Te voglio bene…T.V.B
T’ ‘o voglio dicere accussì
Te voglio bene ma tu nun’’o ssaje
‘o tiempo passa e nun t’ ‘o ddico maje
Te voglio bene…T.V.B

Quanno stevemo nuje sule e nun tenevamo che ffa’
comme a duje cumpagne ‘e scola nce mettevamo a pazzià
Quanta vote nun’’o saccio ll’aggiu fatto pe’ sapé
si’ nuje stevemo luntane e tu penzave sulo a mme
e se faceva notte, tu stive a’ casa mia
e a’ casa toja stevo pur’ ‘io

Te voglio bene…T.V.B………………

È passato ‘n’ anno e me vene ‘a chiagnere
I’ te chiammo e tu nun viene a risponnere
Si’ nce parlassemo ,ammore, nun stesse a murì pe’ tte…

Te voglio bene…T.V.B
T’ ‘o voglio dicere accussì
Te voglio bene, stanotte addo’ vaje
…vulesse a tte mo’ ca’ tu nun ce staje
Te voglio bene…T.V.B
Te voglio bene…T.V.B