El Joker - Ekhtar Makanak Lyrics

بذرة الامل ، تطرح لما بنرويها بعمل

نحصد نجاح ، لو سقيناها كسل نحصد فشل

وده بعينه كان الفرق بين اتنين اخوات

اخ فحياته نجح اما الأخ التانى كان

عجوز بيحلم ، ويقول اهى بكره تحلى

لكن الحقيقه كانت هروبه بالأحلام من المحنه

فجأه القطرات فاتته ، فضيت عليه محطته

خمسين سنه الغطاس غرقان فميه كدبته

? زوجه ، و? عيل ، واللوحه بتغيم

اخوه الكبير من فين لفين يميل عليه بمبلغ كويس

ويبعت بناته يملوا على الوحيد حياته

يوم واحد فى الاسبوع ، باقى الاسبوع عايش لحاله

فتسأل ليه ، الفشل كان نهاية الخيط

عشان شابك فكسله من بداية خط السير

فبدل الواقع بحلم فى نومه منها مفقش

جت أول وقعه قطمت ضهره فوق صخور اليأس

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه

كل اما الشمس تغيب ترجع تشرق من جديد

فلما الدنيا تضيق بيكون الفرج قريب

لكل فارس كبوه لكن أكيد منها استفاد

ولو? الفشل مر مش هندوق طعم النجاح

هتسعى هتلحق تمسك فضل حلمك

هتيأس هتلقى الحلم نفسه ضدك

الدنيا مبتقفش على الظروف عندى الدليل

من نفس البيت خرج للاخ اخ على النقيض

حطم درع الظروف بحد سيف العمل

هزم جيوش اليأس عدى حصون مدينة الأمل

و ، لون رسمته ، شكل ظروفه على رغبته

كان حلمه زى خريطه لمرمى نجاحه وصلته

حلم بالشط اه لكن نط فى بحر الحياه

مستناهوش يسحبه خبط فى الموج وعافر معاه

مغذى الكلام ده ليك يا تاخد بيه يا تموت احلامك

مفيش بين البينين يا فوق يا تحت اختار مكانك

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه

على فكره قصة الاخين تأليفى مش حقيقه

الدنيا صعبه فاسعى ده إلى قصدت اوصله بيها

بواجهك بالحقيقه ، بعلمك واسيبك

تفهم مين إلى بيبنى فيك ومين كسر مقاديفك

باعولك فكرة افرح ، سبت الكفاح ورا ضهرك

قالولك بكره تصبح ، وبكره ليه ما يلا

زرعولك فكره غلط واستعميت حبيت تقلد

ما دام العقل زينه ادينى سبب علشان تتجنن

حياتنا حلوه ومره ، العقبه فضل فرصه

ف لو متعبتش فيها مش هتدوق نجاح طول عمرك

لكن ثق ان الدنيا مبتظلمش

على قد ما تتعب تسعى تلقى نجاحك ليك بقى ضل

ابدأ دلوقتى ، متقولش القطر فاتنى

كتر التفكير فى امبارح مش هيغير شئ صدقنى

ده شئ وحيد من الماضى منه بنستفيد

هو مراجعة غلطنا عشان منقعش تانى فيه

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه

تحلم لبكره ليه لما النهارده لسه طويل

ابدأ بأول خطوه فوق طريق قادر تمشيه

كمل فمسارك حتى لو كان عكس ناس تانيين

اختار مكان حلمت بيه وحط نفسك فيه