Dakota Camacho - Nånan Nanå-hu Lyrics

I hagå'-hu ginen håga' nånan nanå-hu
Nånan nanå-hu nånan nanå-hu
I hagå'-hu ginen håga' nånan nanå-hu
Nånan nanå-hu nånan nanå-hu
Nånan nanå-hu hånao mågi

Carmen marie alcantara-camacho si nanå-hu
Vincent jefferey anderson camacho si tatå-hu
I nånan nanå-hu marie puru amerikanu
Ti hu tungo' gui' sa' ha dingu i manggafå-hu
Mafañågu yan mapoksai yu' gi sanlagu
Tatnai hu maleleffa ginen manu i håga-hu
Achokka' amånu yu' Hu tutuna i Taotao håya
Sa' munga yu' maleffa i yahululo' na penga'-ta
Ayu hu na'lå'la' nu ini na kantå-ku
Hu na'huyong i linalai Yan i anten i lisåyu
Sa' hu hungok i finiho' ginen i mañainå-hu
Siha chumachalåni yu' an lalayak gi napu
Maila mågi yanggen måtto hao gi må'ho
I saddok ginen pachot-hu mames kalan åhu
Sesso hu mumuyi nu I Taotao Kulan gåyu
Yanggen un fa'ga'ga' ham adahi na un mafå'om

I hagå'-hu ginen håga' nånan nanå-hu
Nånan nanå-hu nånan nanå-hu
I hagå'-hu ginen håga' nånan nanå-hu
Nånan nanå-hu nånan nanå-hu
Nånan nanå-hu hånao mågi

Håfa kumeke'ilek-hu an manlålai yu' nu ini
I lalai ni tumuna i taotao hu tungo' dididi
Gi minagåhet ti hu tungo' i nånan nanå-hu
Ya machu'ot yu' sa' kulan machuchuda' hagå'-hu
Lao finakti ni bongbong ya på'go nai masongsong
I chetnot-hu nu i chinetton-hu iya mongmong
I tano' tatå-hu chokka' ti mafañågu guihi
Lao manmetgot i håle'-ta kulan hita i sini
Kallan hale' nunu chokka' månu yu' nai mafañågu
Sesu sesu manggaige i mañaina gi iya guåhu
Gineflamen yu' sa' guåhu på'go lå'on
Hu li'e pengnga' manaotao håya siha guåtu
Yan manggaige hit gi hilo' chumilong na tåno'
Ya i nanan-miyu kallan lokkue' i nanå-hu
I nana ni numå'i ham taichi na lina'la'
Hita la'mon! nihi ta tutuna i nana-ta

I hagå'-hu ginen håga' nånan nanå-hu
Nånan nanå-hu nånan nanå-hu
I hagå'-hu ginen håga' nånan nanå-hu
Nånan nanå-hu nånan nanå-hu
Nånan nanå-hu hånao mågi

Ginen i sisun nanå-hu
Ginen i guålo' gi tano'-ta
I hagå'-hu ginen
Nånan nanån-hu
Nånan nanån-hu
Nånan nanån-hu
Hanao mågi