Dada Bhagwan - Dada Divo 2 Lyrics

દીવો કરીએ ભગવન્ દાદા સર્વ સમર્પીને
અંધારા ઉલેચ્યાં ભવ કેરાં દાદા પ્રગટીને
સર્વજ્ઞ દાદા જ્ઞાન અવતારી અક્રમ લિફ્ટ તણા સુકાની
સંગમેશ્વર સિદ્ધ જગકલ્યાણી
મૂર્તામૂર્ત મોક્ષદાતા પ્રકાશ્યો જેણે સમષ્ટિને
દીવો કરીએ ભગવન્ દાદા સર્વ સમર્પીને
અનંતજ્ઞાની અનંતદર્શી અનંતસુખની ફોરમ વર્ષી
અમૂર્ત મૂરત નયને વસી
દિવ્યચક્ષુ દાતા ત્વં પરમ જ્યોતિ સ્વરૂપીને
દીવો કરીએ ભગવન્ દાદા સર્વ સમર્પીને
સૂર્ય સમાન પ્રતાપી તેજસ ચંદ્ર સમાન શીતળ ઓજસ
મેરુ અચલ સમ સાગર ગંભીર
મુક્તિ મંદિરના ગુણલાં પ્રત્યક્ષ પ્રગટનાં ગાઈને
દીવો કરીએ ભગવન્ દાદા સર્વ સમર્પીને
વિશ્વાધાર અંગુલિ ટેરવે બ્રહ્માંડ સ્વામી સ્વામીત્વ અભાવે
નિજ સ્વરૂપી નિજ સ્વભાવે
દસ લાખ વરસે પ્રગટી અક્રમ દાદા જ્યોતિને
દીવો કરીએ ભગવન્ દાદા સર્વ સમર્પીને
શુદ્ધાત્મા મૂળ ઉપાદાની
અહમ્ મમતના અપાદાની
મૂળ નિમિત્ત એક સંયોગી
છોડાવ્યો ભવસંસારે
વંદુ કૃપાળુ જ્ઞાનીને
દીવો કરીએ ભગવન્ દાદા સર્વ સમર્પીને
અંધારા ઉલેચ્યાં ભવ કેરાં દાદા પ્રગટીને