Da Jo - Unguads Gfüh Lyrics

Sie geht auße bei der Tia
Und geht owe bei de Stiagn
So wies es jeden Morgen macht
Nur beschleicht sie da Verdacht
Dass des heite irgendwie
Ned so wirklich hinhaun wü
Wäu sie hot irgendwie
A ziemlich unguads Gfüh
Und sie waß net wos es is
Und wohers auf amoi kummt
Und sie was ned wos es wü
Und wie mas schafft, dass es verstummt
Doch sie denkt si, des wird scho wieder werdn
Des is nix neix, des wird glei wieder aufhean
Und sie hofft auf an Umschwung, irgendwo im Liad
Doch des echte Leben is hoit leider net so komponiert
Und sie hofft auf an Umschwung, doch sie gspiat
Dass der Umschwung auf si wartn lassn wird
Und sie merkt wieder wiasas druckt
Und so oftsas oweschluckt
Und so sehr si sie a wehrt
Es kummt immer wieder zruck
Und sie kämpft dagegen an
Und sie tuat a was sie kann
Owa trotzdem hat sie Tränen in die Augn
Und sie kämpft dagegen an
Doch es kommt immer wieder zruck
Wäu was sie kann, is afoch ned genug
Und bei der Ubahnstation setzt sie si am Boden
Den roten Schädl in die Händ vagrobm
Und wie a Mauer gengan d'Leit
Stumm und taub an ihr vorbei
Und ma dazöht si, sie sitzad durt no heit
Jo ma dazöht si, sie sitzad durt no heit
Ja gestern do woas sie
Heit bist es du
Und morgn bins dann i