O Blyssedful Berd, Full Of Grace Lyrics

Salve regina, mater misericordie.

O blyssedful berd, full of gracce,
To all mankynd thou art solas,
Quene of hevyn in every place,
Salve.

To our helth thou bar a chyld,
And 3et with syn wart never fylyd,
Mary, moder, mek and myld,
Salve.

Fro the fend thou us defend,
And of syn thou us amend;
Mary, thy mercy thou to us send.
Salve.

O worthy wyhy3t, we worship the,
Full of mercy and of pyte;
Wherfor we syng in ech degre,
Salve.

And let us not fro the fall,
And therto we cry and also call,
Both 3ong and old, grett and small,,
Salve.

And bryng us to thi sonns blysse,
Wher that thy wonnyng is,
Of that we pray the that we not mys.
Salve.