Be Glad, Lordynges, Be Ye More And Lesse Lyrics

Puer nobis natus est,
De virgine Maria

Be glad, lordynges, be ye more and lesse
I bryng 3ou tydynges of gladnesse,
As Gabryel me beryth wetnesse,
dicam vobis quia.

I bryng 3ou tydynges that ben gode,
Mary hath borne a blysful foude,
That bo3t us all upon the rode,
sua morte pia.

For the trespas of Adam,
For the fadyr of hevyn he cam,
Here-to myrthhe us bygan,
teste profecia.

Mary, modr and leve virgyn,
That bare of child wyth-outen syn,
Kepe us all fro hell pyn,
de virgine Maria.