Christiane Mathé - G'witter Lyrics

S'G'witter isch wie's Schreckgepenscht, mit Karacho fahrt's ii
Rüehrt Blitz und Donner ummenand, doch de Spuck vergoht au glii

Es chunt aneme heisse, düppige Tag, de Basil stöhnt und schwitzt
Vo Ferne g'hört er 's Grolle, am Himmel erschti Blitze

S'G'witter isch wie's Schreckgepenscht, chunt plötzlich, wild wie's Tier
Mit Sturm und Rääge im Gepäck und brüellt wie en riesige Stier

De Wind dreht uff, wird gar zum Sturm, triebt schwarzi Wolke über's Land
De Basil g'seht schwere Tropfe vom Himmel abbekäie, Sturm und Rääge gönnt Hand in Hand

S'G'witter isch wie's Schreckgepenscht, bringt d' Wält i sini G'walt
Es schüttlet und rüttlet a allem, was es trifft und macht vor gar nüt halt

De Basil g'seht Blitz am Himmel in grelle Farbe, sie lüchted orange, gäll und grüen
Druf folgt de Donner mit luutem Knall, die Luft voll von Explosion

S'G'witter isch wie's Schreckgepenscht, es liebt das Chaos pur
Und wenn es denn mal wiiter zieeht, hinterloot's e wüeschti Spur

De Basil g'seht, de Rägge prasslet uf Bäum'und Dächer, Blitz und Donner tollet ummenand
Doch langsam wird da G'witter schwächer, nimmt Kurs uf 's neue Land

S'G'witter isch wie's Schreckgepenscht, es reinigt schweri Luft
Und isch sin Uftritt denn verbii, chlärt de Himmel wieder uff
S'G'witter isch wie's Schreckg'penscht, isch luut, aber schnell verbii