Asclepius - Hydra Lyrics

De kampf geg de verstand wie im mythos vode hydra
Chasch geg de eint chopf günne, doch denn sind meh als 3 da
Ja - au ich han mini müeh gha
Props ah whiskeyrap, leberzeroose fangt verfrüeht ah
Bis jetzt zu nüt gfüehrt doch dadefür hebts gmüet ah
Wine schöni frau hetd fläsche mich damals verfüehrt gha
Staatsahwalltsschaftsbriefchopf - ja i weis was mer blüeht (Ah)
S staatsregime het au de brüeder scho entfüehrt (Gha)

Yeah ! 1312 !
Asclepius !
Es paar deepi lines mann
Bis morge am 1 bro

De henny parat, es paar J's sind dreiht
Kampftrinke - mal luege wen s zersch leit
Als antidepresiva werded jetzte joinnts verteilt
Vo 1312 ah jedi anderi partei
Nach mine lines hilft der kei art vo artznei
Hani je behaupted ich seg din Artzt? Nei!
Gwüssi patiente fühled sich nach mine bars frei
Anderi gönd id klapse, denn erscht jetzt gxehnds tyrannei
(Selbschttherapie) vill zu druff
Ih mim soigennante studio bechunsch chum luft
Dochs es befreit mental en wäg zum usecho us de gruft
En schiiterhuufe für ahgstaute fruscht
Jede het sin kampf, und jede het sis muss
Rettendi ufer sind selte triibsch imne rissende fluss
Bis der desse bewusst, setz der nöd de schuss
De spassig weg isch schön, doch - chunsch au zrugg?
Halt en usweg parat - land nöd under de brugg
Mach kei scheiss im lebe, machs der nöd kabutt
Chasch villes säge doch es zellt nur wasmer tut
Vergliche mit de wort isch din handligsbedarf akut
Indikativ für strasse-ethos
Isch d sprach explosiv wie bi coke und chli menthos
S'superlativ vom böse bisch nur du selber,
Denn, nur du bisch de endboss
Besieg die bestie mit flamme und grüess hercules
Nach dem kampf, da bini ischer, chunt was besseres
Ischs lebe scheisse? denn verbesser es
Din fründ het di betroge? schick mer keis S-M-S
Frög nöd nach mim D - bitte vergessemers
Kei zit umezvögle, suech der mal was grechteres
Eh lektion die ganz tüf ih mim gedächnits sitzt
Bis bescheide, denk nah was dis vermächtniss isch
Land nöd ufem tisch, bis kei bitch
Lueg das d freud fürs lebe niemals erlischt
Wer weis wie langs gaht bis's dich abtischt
Erinner dich dra, alles het e frischt

Yeah ! 1312 !
Asclepius !
Es paar deepi lines mann
Bis morge am 2 mann <3

S lebe l ang schaffe für chli glänzends metall
Denn riichtum und fame, ja das wämmer all
Chunt uf eus zrug wie en ball mit zvill drall
Was höch stigt fallt tüf, en komet usem all
Chönt ihschlah, eus uslösche das vo hüt uf morn
Setzt es endi all dem menschliche zorn
Denk nah, was hesch hinterlah in unvergänglicher form
Idee sind unsterblich, überlebed jede sturm