Ahror Po'latov - Qiyomat Yaqin Lyrics

Berganda moy yoqar hatto og'izga
Insonni shanini yemirdik qo'ydik
Qul bo'ldik bir parcha oddiy qog'ozga
Birovning haqqidan hech qo'rqmay qo'ydik

Ko'z tikib mol dunyo ulovariga
Chuv tashlab kimgadir birovlariga
Zo'r berib firb-u aldovlariga
Shaytonng makridan ham qo'rqmay qo'ydik

Halol bor harom bor bitta qadamda
Al qasos minal haq qaytar chamamda
Nahotki qolmadi vijdon odamda
Kibrga berilib nafsga qul bo'ldik

Asossiz birovning hayotin bulg'am
Aytdingiz tuxmatlar ayblab nohaq
Unutmang ko'rguvchi, bilguvchi bor haq
Allohning qahridan hech qo'rqmay qo'ydik

Shunchaki yashashga qolibmiz ko'nib
Loqaytmiz be amal illatga to'lib
Nima qildik mo'min birodar bo'lib
Qiyomat yaqindir unutib qo'ydik

Yetimning boshini silash o'rniga
To'ldirdik puch yong'oq faqat qo'yniga
Oqibat biri g'alva tashlab bo'yniga
Robbimning qaxridan hech qo'rqmay qo'ydik

Bilmassan qay dilda nima yotganin
Ko'rarsan o'z do'sting toshlar otganin
Pul uchun odamni odam sotganin
Insonni vahmidan hech qo'rqmay qo'ydik

Ko'rganda lof urib doim sizlagan
Bir ishning ortidan ma'nfaat ko'zlagan
Xato qilishingni har kun poylagan
Dushmanlar birligin payqamay qo'ydik

Yolg'onlar bozori shayton makoni
Be payon dunyoning to'rta tomoni
Keldimi laganbardorlar zamoni
Rost nima yolg'onmi anglamay qo'ydik

Shunchaki yashashga qolibmiz ko'nib
Loqaytmiz be amal illatga to'lib
Nima qildik mo'min birodar bo'lib
Qiyomat yaqindir unutib qo'ydik